Gjatë fjalës së mbajtur nga ambientet e jashtme të kuvendit, ish-kryeministri Sali Berisha paralajmëroi se gjatë vjeshtës do të ketë protesta të fuqishme mbarëpopullore që do të çojnë në largimin e kryeministrit Rama. Berisha theksoi se kryeministri Rama do të japë llogari për të gjitha vjedhjet monstruoze që ka bërë dhe për këtë ai do të marrë një dënim me dekada dhe jo vite.
“Ato para që fitohen nga rritja e çmimeve u kalojnë klientelës së qeverisë dhe blihen instalacione 4 milionë euro për të qetësuar sytë dhe xhepat e Edi Ramës. Parlamenti është kujdesur për pastrimin e parave të krimit, ligji i amnistisë fiskale. Ligji për dhunimin e mediave ishte në rend dite, që do ta kalojë së shpejti. Ligji për kanabisin ishte gjithashtu. Ka një interes të sanksionohet me ligj ekonomia e krimit në Shqipëri. Mendoj se qytetarët shqiptarë do t’i japin përgjigjen e merituar qeverisë, në këtë stinë, e cila lajmëron më shumë çdo gjë tjetër protesta të fuqishme mbarëpopullore. Padiskutim që koordinimet do bëhen. Ka një front opozitar që do mblidhet dhe do të miratojë një agjendë e cila ka si synim një protestë të qëndrueshme popullore në mbrojtje të interesave të shqiptarëve. Largimi i kësaj maxhorance është shpëtimi i Shqipërisë. Ka një armik të vetëm për çdo shqiptar dhe ai është Edi Rama. Sot vendi ka një opozitë më të fuqishme se ndonjëherë dhe Edi Rama i ka kohërat e numëruara. Ishte në Beograd dëshmoi se Shqipërinë e do serbisht dhe atje do shkojë. Do të jap llogari për të gjitha vjedhjet monstruzove dhe ato vepra penale përbëjnë jo vite por dekada dënim” – tha Berish.
