Nga foltorja e Kuvendit Kryeminstri Rama ka akuzuar opozitën se po pengon reformën në drejtësi duke bllokuar vettingun.
Rama e ka quajtur këtë bllokim akt antikombëtar që pengon çeljen e negociatave.
Kreu i mazhorancës ka shtuar se, Partia Demokratike nuk e do Vetting-un sepse është e frikësuar nga zbatimi i reformës.
“Që ju nuk e doni Vettingun kjo dihej, por që ta arrinit të thonit që fajin e ka përkthyesi. Është një shprehje “I humbur në përkthim”, por përkthimi ku keni humbur ju është rruga e ankthit nga reforma në drejtësi.
Largimi i gjykatësve të korruptuar hap derën për drejtësi. Ju nuk keni shanse të ndaloni zbatimin e reformës, por do ta paguani si ‘frëngu pulën’ në zgjedhjet e ardhshme.
Shqetësohem që vonesa i lë faturë Shqipërisë, kjo është cështje e interesit kombëtar. Kjo që po bëni është anti-shqiptare, e bëni se jeni të trembur.
Është anti kombëtare që të pengosh zbatimin e Vettingut, një reformë që shqiptarët kanë 25 vite që e presin, tani duke bllokuar celjen e negociatave është kulmi, por ne do të vazhdojmë të financojmë reformën në këtë buxhet”.
