Rama bën thirrje: Në Itali vdekjet po ndodhin në shtëpi, tani si do bëjmë? Do numërojmë qindra të vdekur, apo…

Kryeministri Edi Rama i tronditur nga vdekjet e shumta të pacientëve me koronavirus në Itali, i bën thirrje shqiptarëve të zbatojnë masat e vendosura nga qeveria.
Rama shprehet se një nga shkaqet kryesore është neglizhenca e masave parandaluese.
Postimi i plotë:
O njerëz!
Në itali sot kishte 627 të vdekur
gjashtëqind e njëzetë e shtatë!!! vetëm sot!!! 24 orë 627 të vdekur!!!
Në lombardi ku italia ka një sistem spitalor që është në majën e europës, nëntë në dhjetë vdekje ndodhin në shtëpi!!!
Pse???
Sepse masat shtrënguese u morën vonë, njerëzit u tallën me masat në emër të lirisë për xhiro, për sullaco e për festa dhe armiku u vajti të tërëve nëpër shtëpi!
Numri i të sëmurëve e kaloi me galop numrin e shtretërve dhe ja si ka ardhur puna!!!
Tani si do i’a bëjmë?! do vrasim njëri-tjetrin dhe do rrimë duke numëruar me qindra të vdekur e mosozot mijëra? apo do rezistojmë dhe do shpëtojmë njëri – tjetrin?!
Po njerëzit kanë ndenjur 30 vjet në burg apo 30 ditë në grevë urie dhe nuk kanë vdekur, e pse duhet të vdesin sot duke ndenjur në shtëpi pa dalë xhiro apo duke ndenjur në radhë Pak më gjatë, pa u ngjitur me njëri-tjetrin?!