Kryeministri Edi Rama ka reaguar ndaj deklaratave të kryetarit të PD-së, Lulzim Basha lidhur me raportin e përbashkët të Guardia di Finanza dhe Policisë së Shtetit. Kreu i Qeverisë, akuzat e bëra nga Lulzim Basha i cilëson si “rihapje të kapakut të shpifjeve për drogën”.
Rama në facebook: “LB nuk tha pse s’i votoi ligjet e drejtësisë, po rihapi menjëherë kapakun e shpifjeve për drogën sapo Guardia di Finanza e mbylli atë kazan!”
Krye demokrat Basha hodhi poshtë të dhënat e raportit të Guardia di Finanza dhe Policisë së Shtetit, duke u shprehur se kultivohet më shumë kanabis nga sa raportohet, dhe theksoi se sipërfaqet me drogë në vend janë pesëfishuar.
