Sekretari i Përgjithshëm i PD-së Gazment Bardhi ka sulmuar kryeministrin Edi Rama për masat e marra nga situata alarmante e Koronavirusit.
Ai nëpërmjet një postimi në rrjetet e ka krahasuar kryeministrin me kancelaren gjermane Merkel, e cila ka pohuar se po testojnë 500.000 qytetarë në javë.
Sipas Bardhit, në vend të ndihmojë realisht bizneset që të mos mbyllin vendet e punës, Rama krenohet me gjobat që i vendos popullit.
Postimi i plotë:
Ka 7 vjet që u tregon shqiptarëve burg dhe gjoba dhe vazhdon ta bëjë edhe tani, kur qytetarët nuk kanë siguri as për shëndetin, as për punën, as për bukën e gojës.
Në vend të testimeve, siç bën bota, Edi Rama flet për burg. Në vend të ndihmojë realisht bizneset që të mos mbyllin vendet e punës, Edi Rama krenohet me gjobat që i vendos popullit.
Gjoba dhe burgu është alternativa e vetme që ka Edi Rama për qytetarët. Lekët janë për oligarkët e koncesioneve.
