Partia Demokratike i ka kërkuar Komisionit Qëndror të Zgjedhjeve që të marrë masa për respektimin e Kodit Zgjedhor, pasi qeveria ka dhënë një koncension prej 100 milionë euro në kundërshtim me ligjin zgjedhor që ia ndalon 4 muaj përpara datës së zgjedhjeve.PD në kërkesën e saj citon ligjin i cili ndalon
PD kërkon nga KQZ-ja që të marrë masa dhe të sigurojë mbarvajtjen e një gare zgjedhore brenda shinave të ligjit.
Njoftimi i plotë: Partia Demokratike denoncoi aktin e qeverisë për koncesionin e ri të hidrokarbureve si shkelje e rregullave të përbashkëta për zgjedhjet.
Për këtë arsye, PD i kërkoi KQZ të marra masa për respektimin e Kodit Zgjedhor. Në kërkesën e PD për KQZ citohet rregulli i shkelur nga qeveria. “4 muaj para datës së zgjedhjeve, deri ditën e zgjedhjeve ndalohet dhënia e kontratave publike të koncesionit/partneritetot publik privat (PPP), për të cilat nuk është bërë njoftim publik se do të zhvillohen, nuk janë vijim i një procedure koncesionare të identifikuar dhe nisur apo nuk janë parashikuar për t’u financuar nëpërmjet buxhetit të miratuar të vitit zgjedhor”.
Procedurat e koncesionit që do t’u kushtojë qytetarëve 100 milionë euro për 10 vjet u bënë publike gjatë periudhës së ndaluar nga Kodi për nxjerrjen e të tilla akteve nga qeveria.
