Një situatë e pazakontë që ka sjellë bllokim e qarkullimit pranë shkollës “Petro Nini Luarasi” si pasojë e një aksioni të ndërmarrë nga IMT-ja për prishjen e një banese private.
Në momentin që IMT-ja ka shkuar për të nisur nga puna, familjarët kanë rezistuar e protestuar. Ata janë shtrirë në rrugë në shenjë proteste dhe kërkojnë që IMT-ja të ndalet.
“Na morën jetën, na pushkatoni” dëgjohen teksa ulërasin zonjat e shtëpisë.
Kujtojmë që banesa e tyre ndodhet në truallin e ish- pronarëve që kanë një vendim gjykate për kthimin e truallit.
Shoqërohet për në spital një nga zonjat
ORA 10:25- Situata në afërsi të shkollës “Petro Nini Luarasi” është përkeqësuar, Ndërsa IMT ka shkuar t’ju prishë banesën, një nga zonjat që ishte shtrirë në rrugë është ndjerë keq. Ajo është shoqëruar me ambulancë drejt spitalit.
Flakë zjarri pranë banesës që po prishet
ORA 10:12- Ndërsa banorët protestojnë, pranë banesës ka rënë zjarr. Dyshohet se banorët i kanë vënë flakën në shenjë proteste disa mobilieve.
