Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

“Qeveria duhet të ndahet nga oligarkët”, Rama i përgjigjet Ditmir Bushatit

Nga Klodiana 0

Kryeministri Edi Rama ka reaguar për herë të parë pas kritikave të forta të ish-ministrit të Jashtëm, Ditmir Bushati, i cili tha nga foltorja e Kuvendit se qeveria duhet të ndahet nga oligarkët.

Në një video-konferencë me gazetarët, kryeministri Rama tha se oligarkë janë ata persona që influencojnë drejtpërdrejt vendimmarrjen e qeverisë dhe parlamentit, dhe diktojnë axhenda të caktuara politike në funksion të interesave të tyre.

“Nuk kam asnjë ndjenjë të posaçme. Është hapësirë e lirë diskutimi, qasjesh, pozicionesh dhe unë i mbetem asaj që kam thënë, jo sepse e kam thënë unë, por sepse besoj edhe sot që në Shqipëri nuk ka oligarkë. Mjafton të referohemi te termi dhe të nxjerrim konkluzione. Oligarkë nuk janë ata që janë sipërmarrës të pasur, ata që përmes biznesit realizojnë të ardhura më shumë se tjerët, oligarkët janë ata që influencojnë drejtpërdrejt vendimmarrjet e qeverisë apo parlamentit dhe diktojnë axhenda të caktuara politike në funksion të interesave të tyre. Nuk kam njohur deri më sot asnjë person që ta ketë këtë pushtet në Shqipëri dhe nuk kemi marrë asnjëherë asnjë vendim që nuk ka qenë i diktuar nga bindjet tona dhe sigurisht nga qasja jonë në raport me interest e vendit. Është një term që përdoret në mënyrë të gabuar, për të krijuar një ide të gabuar lidhur me një numër të caktuar njerëzish, që nuk janë bërë të pasur nga hiçi, pas ardhjes sonë në qeveri, por e kanë vënë pasurinë në shumë vite dhe me ardhjen tonë në qeveri paguajnë më shumë taksa për shtetin shqiptar”, tha Rama.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej