Zëvendësministri Musabelliu: Efekti për buxhetin e shtetit është rreth 4 milion euro
Qeveria planifikon të ndërhyjë për të ndihmuat sektorin e industrisë nxjerrëse i cili është në krizë të thellë për shkak të rënies së cmimeve. Zëvendës ministri i energjisë dhe industrisë Gëzim Musabelliu, që kryeson një grup pune për këtë qëllim thotë se ndihma e parë është ulja e rentës minerare jo më pak se 40 për qind. “Efekti i kësaj mase për buxhetin është 3-4 milion euro, por kjo shumë nuk është asgjë në raport me efektet që do të kishte pezullimi i punës në këtë sector që po kalon një krizë të cmimeve”, thotë zëvendës ministri Musabelliu.
Në ministrinë energjetikës dhe industrisë grupi i punës i ka të gatshme propozimert për ndërhyrje dhe është në pritje të diskutimit të tyre me ministytrinë e finanaceve. Paketa ka një sërë ndërhyrjesh po më kryesorja është renta minerare. Situata e rëndë në këtë sector është shkaktuar nga rënia drastike e cmimeve si të bakrit ashtu edhe të kromit. Aktualisht një ton krom me përmbajtja 35-40 për qind shitet në Portin e Durrësit për 80-100 dollarë, në një kohë që në 2009 cmimi ishte 500 dollarë për ton. E njëjtë është situata edhe për bakrin. BerAlb koncensionari i madh në nxjerrjen e bakrit e ka pezulluar aktivitetin, ndërkohë që shumë sipërmarrje të kromit e kanë reduktuar punën në mbi 50 për qind dhe kanë larguar punëtorët.
Sipas INSTAT nga sektori i industrisë nxjerrëse kanë humbur vendin e punës mbi 11 për qind e të punësuarve.
