Drafti i ligjit për informacionin e klasifikuar i depozituar për miratim në Kuvend sjell ndryshime dhe për pjesëmarrjen e operatorëve ekonomik në tenderë që mund të kenë në përmbajtjen e tyre informacion të klasifikuar.
Në nenin 6 projektligji parashikon që operatorëve pjesëmarrës do t’ju kërkohet që të përmbushin disa kushte specifike ku një prej tyre është certifikimi i veçantë.
Në nenin 41 të draftit parashikohet që ministritë dhe institucionet shtetërore të cilat gjatë veprimtarisë së tyre prodhojnë administrojnë dhe qarkullojnë informacion të klasifikuar kanë të drejtë të iniciojnë procedurat në fushën e prokurimit të mbrojtjes dhe të sigurisë që përmban informacion të klasifikuar, operatorët e interesuar për të marrë pjesë në një prokurim në fushën e mbrojtjes dhe të sigurisë që përmban informacion të klasifikuar i nënshtrohen rregullave të sigurisë.
Pajisja e operatorëve ekonomik me CSI kryhet nga Autoriteti përgjegjës për sigurinë e informacionit të klasifikuar pas kryerjes së rrezikut të papranueshëm të sigurisë.
Vlerësimi i rrezikut të papranueshëm të sigurisë kryhet duke ju referuar kritereve të qëndrueshmërisë ekonomike të operatorit ekonomik dhe të besueshmërisë së tyre për qëllime të sigurisë së informacionit të klasifikuar.
Objekt i sigurisë për një operator ekonomik që kërkon të pajiset me CSI është struktura e pronësisë dhe origjina e saj. Partnerët e ngushtë vendas dhe të huaj, qëndrueshmëria ekonomike, aftësia për kapacitetet teknike dhe fizike për ato të informacionit të klasifikuar, individët që kërkojnë pronësinë si dhe stafi e pjesa menaxheriale si dhe disa elementë shtesë të kësaj natyre.
