Këshilli i Ministrave miratoi në mbledhjen e fundit një vendim që do të sigurojnë një transparence dhe menaxhim më mirë të borxhit të shtetit. Sipas qeverisë niveli i borxhit është 73 % të Prodhimit të Brendshëm Bruto ndërsa sipas FMN-së shifra arrin në 83%.
Ky vendimi i Këshillit të Ministrave i hap rrugë krijimit të bazës se të dhënave shtetërore të Sistemit të Menaxhimit të Borxhit dhe Analizës Financiare. Ato do të përmbajnë të dhëna për kreditorin, huamarrësin, termat e kushtet financiare për çdo kredi shtetërore e të garantuar, sektorin ku shkon kredia si dhe kurset e këmbimit.
Siç theksohet në vendim, sistemi që do të menaxhohet nga Ministria e Finanacave pasqyron të dhëna faktike dhe kryen parashikime në përputhje me termat financiarë të marrëveshjeve përkatëse. Ai bën të mundur prodhimin e raporteve të ndryshme mbi borxhin e jashtëm. Niveli i aksesit në sistemin përvec menaxherëve do të jetë edhe për lexuesit publikë që do të mund të ekzekutojnë raporte dhe t’i përdorin ato për qëllime raportimi.
