Tenisti serb, Novak Djokovic e ka pranuar se ka gabuar kur ka vendosur të intervistohet nga një gazetar francez, ndonëse ka qenë i infektuar me koronavirus. Ai e ka pranuar po ashtu se një anëtar i stafit të tij ka bërë deklarata të rreme para Qeverisë australiane rreth historisë së tij të udhëtimit.
Tenisti vijon të jetë në Melburn, por prania e tij në grand slam të Australian Open mbetet ende një enigmë.
Ministria e Emigracionit ka kërkuar më shumë kohë për të mbyllur hetimin në lidhje me dokumentacionin (i pavaksinuar) dhe deklaratat e rreme që tenisti serb (intervista kur ishte i infektuar) ka dhënë në kufi, pas mbërritjes.
Ndërkohë, organizatorët e grand slam të Australian Open nuk humbasin kohë dhe sot kanë hedhur shortin. Në short figuron edhe emri i Novak Djokovic, numri 1 në botë për meshkuj, që në raundin e parë do të luajë ndaj patriotit të tij Miomir Kecmanovic.
