Studentët po protestojnë kundër tarifave të larta universitare. Ata protestojnë kundër një qeverie të majtë që presupozohet që të jetë mbrotësja e tyre më e madhe.
Por ndërsa në njërën anë të qytetit studentët e revoltuar sa vinin e shtoheshin, në anën tjetër, Rama fliste për hotele me 5 yje.
Në kryeqytetin shqiptar është nënshkruar marrëveshja për të sjellë në Shqipëri kompaninë amerikane “Hyatt Hotels Corporation”, me seli në Chicago.
“Jemi i vetmi vend në rajon që nuk kemi ende një hotel me 5 yje, që janë elita e industrisë së turizmit. Tashmë jemi në nisje të një projekti gjigant për sjelljen e Hyatt, që do të lërë në harresë njëherë e mirë edhe lotët e atyre që u pikëlluan kur u largua Sheratoni. Në fakt, as ai nuk ishte një hotel i mirëfilltë me 5 yje, pavarësisht pretendimeve”, tha Rama.
