Qarkullonte me pushkë të mbushur me fishek, bie në pranga 53-vjeçari në Mat

Një 53 vjeçar ka rënë në prangat e policisë në Mat pasi akuzohet për armëmbajtje pa leje.

Policia bën me dije se i arrestuari është shtetasi me iniciale N.B. i cili është kapur duke qarkulluar me një armë zjarri pushkë me krehër të mbushur me fishek.

Në cilësinë e provës materiale janë sekuestruar një armë zjarri pushkë dhe municion luftarak.

VIDEO/ Realin e nderon goli me penallti i Mbappe në minutën e 100-të –

Dosja Epstein, çfarë thuhet për ish-presidenten e Kosovës, Atifete Jahjaga? –

“Kartoni i kuq i Asllanit? Arbitrat po ndikojnë”, trajneri i Besiktas: E çuditshme… –

“Kemi 5 orë të bllokuar”/ Rruga Librazhd-Prrenjas e paralizuar, qytetarët në radhë pas rënies së gurëve –

Njoftimi i plotë:

Goditet një tjetër rast i armëmbajtjes pa leje.

Sekuestrohet një armë zjarri pushkë dhe municion luftarak, vihet në pranga poseduesi i tyre.

Në vijim të punës për rritjen e parametrave të sigurisë, si rezultat i kontrolleve të shtuara për kapjen e personave në kërkim dhe atyre që posedojnë armë zjarri pa leje, në bazë të informacioneve të siguruara në rrugë operative, shërbimet e Komisariatit të Policisë Mat, kanë goditur një tjetër rast të armëmbajtjes pa leje.

Si rezultat është bërë arrestimi në flagrancë i shtetasit:

N.B., 53 vjeç, banues në Klos.

Shërbimet e Policisë, gjatë kontrollit të ushtruar në një terren të hapur të njësisë Administrative Suç, kanë kapur shtetasin N. B., duke qarkulluar me armë zjarri pushkë me krëhër të mbushur me fishek.

Gjatë kontrollit në banesën e tij janë gjetur e sekuestruar një sasi municioni luftarak që i posedonte pa lejen e organeve kompetente.

Materialet procedurale i kaluan Prokurorisë së Rrethit Mat, për veprën penale ” Mbajtja pa leje dhe prodhimi i armëve, armëve shpërthyese dhe i municionit”.