Vladimir Putin është shprehur se nuk ka në plan të shpallë gjendjen ushtarake në Rusi edhe pse sanksionet perëndimore ndaj Rusisë ishin të ngjashme me një shpallje lufte. Në një takim që pati me stjuardesat e agjencisë Aeroflot, presidenti rus tha se hapi do të ndërmerrej vetëm në “raste të agresionit të jashtëm, në zona të përcaktuara të aktivitetit ushtarak”.
Putin gjithashtu është shprehur se Moska duhet të mbrojë rusishtfolësit në lindje të Ukrainës, si dhe interesat e saj.
Ai tha se Rusia dëshiron që Ukraina të “çmilitarizohet”, “denazifikohet” dhe të ketë status neutral.
“Por ne nuk kemi një situatë të tillë dhe shpresoj se nuk do ta kemi”, tha ai.
Ai tha se ka gjendje të tjera të veçanta emergjente që mund të përdoren në rastin e një “kërcënimi të jashtëm në shkallë të gjerë”por se ai nuk ka plane as t’i prezantojë ato. Ka pasur zëra se Putini po planifikonte të shpallte gjendjen ushtarake që është kur ligji normal civil pezullohet ose ushtria merr kontrollin e funksioneve të qeverisë.
