Gjimnastja 11-vjeçare Kateryna Dyachenko, u vra për shkak të shembjes së shtëpisë së saj, e cila u godit nga një granatë ruse në Mariupol. Gjatë sulmit ndaj banesës së tyre vdiq edhe babai, ndërsa nëna dhe vëllai u shpëtuan për mrekulli edhe nëse ky i fundit u plagos rëndë.
Lajmin për vdekjen e Katerynës e dha trajnerja e saj, Anastasia Meshchanenkova, me një postim në Instagram dhe një foto të saj me gjimnasten e vogël. “Nuk mund ta besoj, kolegu ynë ukrainas ndau këtë tragjedi të tmerrshme. Kjo krijesë e mrekullueshme e butë është tashmë një engjëll,” tha gjimnastja bullgare Iliana Raeva, presidente e Federatës Kombëtare të Gjimnastikës Ritmike. Gati 130 fëmijë janë vrarë nga ushtria ruse që nga dita kur nisi sulmet mbi Ukrainë, ndërsa raportohet se qindra të tjerë janë në rrezik, pasi po vuajnë për ujë dhe rezerva ushqimore në Meriupol.
Ditën e djeshme Rusia dhe Ukrainë arritën armëpushim vetëm për një rajon të Ukrainës, ndërsa në Kiev e disa qytete të tjera lufta vazhdon të bëhet e ashpër.
