Rreth 100 punonjës të fabrikes së këpucëve në pronësi të biznesmenit Fehmi Golemit, në Shkodër prej dy ditësh kanë nisur një protestë.
Ata thonë se arsyeja që kanë bojkotuar punën është fakti se kompania u ka mbajtur 10% të pagës duke e justifikuar këtë ndëshkim me faktin se këpucët kanë qenë me defekt.
Por punonjësit nuk e pranojnë këtë arsyetim pasi sipas tyre kompania s’i ka paguar sepse biznesmeni ka shpenzuar për fushatën e Ditmir Bushatit në Shkodër.
“U angazhua në fushatë për Ditmir Bushatin, pasi e ka ndihmuar në privatizimin e fabrikës, ndersa ne na mban 10% të pagës. Këto para kanë shkuar për fushatën. Është e padrejtë kjo që bëhet. Punojmë në skllaveri, nuk kemi pushime, nuk na paguhen orët shtesë me rritje siç e parashikon ligji”, shprehen punonjësit, raportojnë mediat lokale.
