Ministri i Brendshëm Saimir Tahiri ka inspektuar nga afër ndarjen e pakove ushqimore për familjet e bllokuara në Pukë
Ministri tha se deri tani janë ndarë 42 ton ushqime por kjo nuk është mjaftueshëm e se puna do të vijojë për tu ardhur në ndihmë banorëve në nevojë.
Tahiri: “Në këto katër ditë kemi shpërndarë gati 42 ton ndihma ushqimore për familjet në nevojë. Nuk është aq sa duhet, mbase nuk mjafton. Por kjo është një qeveri që nuk i ka kthyer kurrizin njerëzve dhe nuk i le ata të përballen vetë me vështirësitë e tyre.”
Puka është një nga zonat më të prekura nga reshjet e dendura të dëborës dhe për pasojë disa fshatra janë bllokuar prej më shumë se 1 javë.
