Policia e Pukës në bashkëpunim me forcat e Ndërhyrjes së Shpejtë kanë zhvilluar një operacion anti-kanabis në zonën e Gjegjanit. Gjatë kontrollit në një banesë, policia ka gjetur dhe sekuestruar sasi të madha kanabisi, por nuk dihet pesha ekzakte.
Në banesën ku u gjet lënda narkotike nuk kishte njerëz, ndersa lënda narkotike pritej që të transportohej. Gjithashtu dyshohet se në banesë është gjetur dhe një sasi lënde plasëse e llojit tritol.
Pjesë e këtij operacioni ishte edhe Prokuroria e Pukës. Vijojnë hetimet për identifikimin dhe kapjen e trafikantëve si dhe po punohet për peshimin e lëndës narkotike.
