Prokurorët në Virgjinia të SHBA-së kanë publikuar një video ku shihen momentet e fundit të një pacienti që vdiq gjatë ndalimit në një spital psikiatrik.
Në video shihet Irvo Otieno duke u shtrirë me forcë në dysheme nga disa policë dhe stafi i spitalit më 6 mars, përderisa ishte nxjerrë nga burgu dhe ishte dërguar në spital, raporton televizioni BBC.
Shtatë policë dhe tre pjesëtarë të stafit mjekësor akuzohen për vrasje të shkallës së dytë për vdekjen e burrit me ngjyrë. Një trup gjykues të martën ngriti aktakuzë ndaj dhjetë personave të përfshirë në këtë rast.
Prokurorja Ann Cabell Baskervill e publikoi videon e incidentit të martën. Pamjet janë siguruar nga kamerat e vëzhgimit në Spitalin Qendror Shtetëror në Petersburg të Virgjinias.
Otieno ishte arrestuar fillimisht më 3 mars si i dyshuar për një vjedhje të mundshme, thuhet në një komunikatë të policisë.
Për të ishte lëshuar një urdhër për ndalim urgjent, i cili përdoret kur besohet se personi mund t’i lëndojë veten ose të tjerët si rezultat i sëmundjeve mendore.
Në videon pa zë shfaqet 28-vjeçari Otieno, i cili kishte imigruar nga Kenia në ShBA në moshën 4-vjeçare, duke u tërhequr zvarrë në një dhomë të spitalit me pranga në duar e këmbë.
Të paktën tetë persona shihen mbi pacientin në një moment, disa duke ia mbajtur këmbët, ndërsa të tjerët në pjesën e sipërme të trupit.
Më vonë në video, deri në dhjetë persona shihen duke e mbajtur pacientin në dysheme. Në video tregohet se ai është mbajtur në atë gjendje 11 minuta.
Prokurorët kanë thënë se Otieno, duke u mbështetur në një ekzaminim preliminar pas vdekjes, ka vdekur nga asfiksia dhe se janë duke e shqyrtuar mundësinë për akuza shtesë për këtë rast.
Prokurorët në Virgjinia të SHBA-së kanë publikuar një video ku shihen momentet e fundit të një pacienti që vdiq gjatë ndalimit në një spital psikiatrik.
Në video shihet Irvo Otieno duke u shtrirë me forcë në dysheme nga disa policë dhe stafi i spitalit më 6 mars, përderisa ishte nxjerrë nga burgu dhe ishte dërguar në spital, raporton televizioni BBC.
Shtatë policë dhe tre pjesëtarë të stafit mjekësor akuzohen për vrasje të shkallës së dytë për vdekjen e burrit me ngjyrë. Një trup gjykues të martën ngriti aktakuzë ndaj dhjetë personave të përfshirë në këtë rast.
Prokurorja Ann Cabell Baskervill e publikoi videon e incidentit të martën. Pamjet janë siguruar nga kamerat e vëzhgimit në Spitalin Qendror Shtetëror në Petersburg të Virgjinias.
Otieno ishte arrestuar fillimisht më 3 mars si i dyshuar për një vjedhje të mundshme, thuhet në një komunikatë të policisë.
Për të ishte lëshuar një urdhër për ndalim urgjent, i cili përdoret kur besohet se personi mund t’i lëndojë veten ose të tjerët si rezultat i sëmundjeve mendore.
Në videon pa zë shfaqet 28-vjeçari Otieno, i cili kishte imigruar nga Kenia në ShBA në moshën 4-vjeçare, duke u tërhequr zvarrë në një dhomë të spitalit me pranga në duar e këmbë.
Të paktën tetë persona shihen mbi pacientin në një moment, disa duke ia mbajtur këmbët, ndërsa të tjerët në pjesën e sipërme të trupit.
Më vonë në video, deri në dhjetë persona shihen duke e mbajtur pacientin në dysheme. Në video tregohet se ai është mbajtur në atë gjendje 11 minuta.
Prokurorët kanë thënë se Otieno, duke u mbështetur në një ekzaminim preliminar pas vdekjes, ka vdekur nga asfiksia dhe se janë duke e shqyrtuar mundësinë për akuza shtesë për këtë rast.
