Grindja e së dielës së kaluar mes Edison Cavanit dhe Neymar ku u përfshi dhe Dani Alves ka krijuar probleme që mund të kenë konseguenca në ecurinë e PSG. Neymar, i ka kërkuar klubit shitjen e El Matador.
Presidenti u përpoq ta amortizonte çështjen duke deklaruar se do ta zgjidhnin vetë lojtarët, klubi ka ndërhyrë duke konfirmuar të paktën për momentin, se gjuajtësi i parë i penalltive do të jetë Cavani, ndërsa ishi i Barcelonës alternativa e parë.
Mediat franceze bëjnë të ditur se presidenti Nasser Al Khelaifi ka takuar si Cavanin ashtu dhe Neymar pasi drejtuesit më të lartë të klubit duan ta ndjekin nga afër çështjen.
Presidenti Nasser Al-Khelaifi deklaroi se nuk ka asgjë serioze dhe janë gazetarët ata që shpikin probleme, por realiteti duket krejt ndryshe.
