Kaos në radhët e socialistëve/ Kryetari i degës fton kavajsit në mbështetje të kryebashkiakut të dorëhequr, Gjylameti në selinë e PS deklaroi distancimin ndaj Roshit
“As PS, as Rama nuk duhet të mbajnë përgjegjësi për personat që shkelin ligjin”, tha deputetja socialiste Blerina Gjylameti, menjëherë pasi kryebashkiaku i Kavajës dha dorëheqje. Deklarata e deputetes socialiste ishte një distancim i PS-së nga kryebashkiaku që rezulton i dënuar në Itali. Por të njëjtin qëndrim nuk ka Partia Socialiste e Kavajës. Kryetari socialist i degës Kavajë, Gentian Daja, paralajmëroi një miting të madh në Kavajë në mbështetje të kryebashkakut të larguar. Përmes një mesazhi në facebook, Daja fton mbështetësit e PS-së t’i bashkohen këtij mitingu.
“Sot në orën 19.00, para Bashkisë Kavaje, do dalim të gjithë sëebashku në mbështetje të mikut tonë të përbashkët, Elvis Rroshit, personit që i dha Kavajës fytyrë të re, gjallëroi qytetin, ndryshoi mentalitetin e institucionit dhe kërkoi pafundesisht mbështetjen e qeverisë për vendin e tij. Gjithsecili është i ftuar të jetë sëbashku me ne në këtë moment që nuk është fundi, por fillimi i rrugës sonë”, shkruan kryetari i PS-së Kavajë, Gentian Daja.
