Protestuesit janë zhvendosur para Ambasadës amerikane ku i bënë thirrje Yuri Kim që t’i ndihmojë kundër prishjes së banesave, pasi qeveria jonë po i lë në mes të rrugës me fëmijë. Një prej tyre është shprehur se këtu fëmijët e tij nuk kanë të ardhme, për aq kohë sa shteti ju merr dhe strehën ku fusin kokën, për këtë arsye i rovoltuar ai ka kërkuar vizën amerikane për t’u larguar nga Shqipëria.
“Mua më shembet shtëpia më datën 22. Unë kam një kërkesë, më jepni vizën dhe të largohem në Amerikë. Por ne habitemi si në 2022 ndërroni mendje, ku jemi o vëlla. Nuk kam ardhur për tu qarë kot, kemi shtëpi gjaku, kam 7 fëmijë”, tha ai.
Ndërsa një banorë tjetër tregoi se si policia i kishte nxjerrë jashtë zvarrë kur i prishën shtëpinë, për këtë arsye ai i ka kërkuar ambasdorea Yuri Kim që të takojë dhe popullin e thjeshtë dhe të shoh si trajtohen ata.
“Kur u shemb shtëpia kam lajmëruar të gjithë institucionet, e kanë nxjerrë zvarrë me karrocë. Sic takon Ramën dhe Lulin, na tako dhe ne o flori. Mua më dukesh e njëanshme, më lind dyshime se ti ke lidhje tjera me to. Jemi popull, nuk jemi organizatë partiake por varfanjakësh.I bëj thirrje ambasadores amerikane, ta dëgjojë këtë popull të mjeruar.Shqipëria është në rrezik, po na nxjerrin jashtë shtetit.
Zonja ambasadore jam një nënë dhe qytetare e thjeshtë, vlerësoje përuljen tonë para teje, mos të na preket prona jonë. Mos na i prishni ëndrrat e fëmijëve tanë, mos anashkaloni të drejtat tona. -Kundër dhunës, shkatërrimit, na jep shtëpitë tona”, u shpreh një tjetër banor, ndërsa paralajmëruan se situate do të agravojë.
