Kryedemokrati Lulzim Basha dhe ish-kryeministri Sali Berisha do të merren në pyetje në lidhje me protestën e 8 janarit, ku të dy do të thirren në cilësinë e deklaruesit.
Berisha dhe Basha do të pyeten në lidhje me ngjarjen dhe trazirat që ndodhën në protestën e së shtunës, ku mbështetësit e Berishës shqyen dyert dhe dritaret e selisë, ndërsa hodhën dhe sende të forta drejt godinës duke rrezikuar jetën e personave që ishin brenda.
Për protestën në fjalë, 78 persona u shoqëruan, ndërsa 49 janë vendosur në prangat e Policisë së Shtetit. Po ashtu, janë proceduar penalisht, Sekretari i Përgjithshëm i Partisë Demokratike, Gazment Bardhi e deputeti Flamur Noka.
