Kanë nisur të vijnë nga qytetet e ndryshme qytetarët të cilët do i bashkohen protestës së opozitës në bulevardin “Dëshmorët e Kombit” në Tiranë para kryeministrisë. Protesta pritet të nisë në orën 12:00 dhe zhvillohet pas 84 ditësh qëndresë në çadrën e vendosur para Kryeministrisë.
Protesta e sotme është cilësuar nga opozita si dita kur do të nisë ngritja e Republikës së Re, që kryetari i PD, Lulzim Basha e ka artikuluar që prej nisjes së kauzës për zgjedhje të lira në 18 shkurt.
Për nga skenari protesta është e ngjashme me atë të 18 shkurtit. Qytetarët do të mblidhen rreth orës 11:30 në sheshin mes Ministrisë së Brendshme dhe asaj të Bujqësisë. Ndërkohë policia ka forcuar masat e sigurisë pranë Kryeministrisë.
