Lidhur me protestën e opozitës, e cila pritet të mbahet nesër në orën 19:00, Ambasada e Shteteve të Bashkuara të Amerikës ka bërë thirrje qytetarët e saj, të cilët i fton të shmangin vendet ku bëhet protesta.
Përmes një postimi në facebook, Ambasada shkruan se një demonstrim i madh pritet të zhvillohet pranë Zyrës së Kryeministrit më 25 maj 2019, duke filluar nga ora 18:00.
“Një demonstrim i madh pritet të zhvillohet pranë Zyrës së Kryeministrit më 25 maj 2019, duke filluar nga ora 18:00. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës është e panjohur. Demonstrimet e kohëve të fundit kanë përfshirë dhunën. Forcat e sigurisë kanë përdorur ujë dhe gaz lotsjellës për të shpërndarë turmat”,- thuhet në njoftimin e ambasadës.
