Kryetari i grupit parlamentarë të LSI, Petrit Vasili ka reaguar lidhur me çështje e protestueseve të ARMO-s që nuk janë paguar për disa muaj.
Në një dalje për mediat Vasili tha se nëse do kishte rregulla dhe ligje nuk do detyroheshin naftëtarët të dilnin protestë.
Fjala e plotë:
Është moment i dhimbshëm për protestuesit e Naftëtarëve të Armo në Ballshit. Shteti ka dalë nga shinat e qeverisjes, njerëzit duhet të dalin të protestojnë.
Nuk ka respektim të ligjit, veprohet me dy standarde për miqtë e Edi Ramës dhe nga ana tjetër protestuesit që kërkojnë bukën e gojës, ata kanë punuar në uzinë meritojnë të paguhen, por ky është shteti.
Nëse do kishte rregulla dhe ligje nuk do detyroheshin naftëtarët të dilnin protestë. Ata mbijetojnë me atë rrogë, janë në vështirësi. Kjo është një qeveri e shurdhët dhe klienteliste. Siç e keni vënë re opozita bashkë me qytetarët po kërkojnë zgjidhjen e problemeve por shteti nuk ekziston.
