Policia italiane ka arrestuar një shqiptar i cili ishte në kërkim prej 9 vitesh.
Arrestimi u bë gjatë një kontrolli rutinor ndaj personit i cili nuk kishte dokumente me vete dhe kjo ishte arsyeja se pse u shoqëruan në stacionin policor.
Shqiptari akuzohet për shfrytëzim të prostitucionit edhe për abuzim me drogën dhe posedim të paligjshëm të armëve, krime këto të kryera që prej vitit 2005 më kohë dhe krahina të ndryshme të Italisë.
Në vitin 2008, Gjykata e Apelit të Torinos ka lëshuar një urdhër arresti për 40 vjeçarin shqiptar, ku lëshohej ndaj tij një paraburgim prej 10 muajsh e 20 ditësh.
Që prej atij momenti, shqiptari u zhduk pa gjurmë dhe mundi të qëndronte në arrati për nëntë vite i fshehur dhe me emër të rremë. Tashmë shqiptari është dërguar në burgun Novate.
