Prokuroria e Krimeve të Rënda kërkon “arrest me burg” për Albert Veliun, i cili njihet dhe me pseudonimin “Babale”
Veliu është personi i njohur si “personazhi X’ në audiopërgjimin e publikuar nga PD, ku vëllai i ministrit të Brendshëm Fatmir Xhafaj akuzohet se vijonte trafikun e drogës drejt Italisë. Arrest me burg do kërkohet dhe për Fredi Alizotin, kunatin e Veliut.
Ky i fundit mësohet të jetë personi që në disa raste dublon Agron Xhafajn në përgjigjet që i jep dëshmitarit X. Po ashtu mësohet se Prokuroria ka dhënë masën detyrim paraqitje për gazetarin Olldashi, që intervistoi të ashtuquajturin dëshmitari X. Ata të tre akuzohen për kallëzim të rremë.
