Gjykata e Lartë e Drejtësisë Spanjolle ka kërkuar dy vjet burgim për futbollistin e Barcelonës, Neymar dhe një gjobë të majme prej 10 milionë eurosh. Shkak është procesi i kalimit të tij nga Santos në La Liga.
Masa me arrest me burg është kërkuar nga Prokuroria Iberike edhe për prindërit e Neymar, si dhe për ish presidentët e klubeve respektive, Odilio Rodrigez te Santos dhe Sandro Rosell te Barcelona.
Ata akuzohen se kanë fshehur shuma të majme në transferimin e sulmuesit brzilian. Sipas avokatëve të fondit DIS që inicioi hetimet, Barcelona dhe Santos ranë dakord për të fshehur vlerën e vërtetë të operacionit, duke mashtruar me bilancet. Kjo vetëm për të mos i paguar palëve të treta, komisionet e nevojshme.
