Kryeministri, Edi Rama mbrëmjen e sotme arriti në Beograd, teksa është pritur nga ministri i Jashtëm në aeroport. Miku i tij, presidenti Aleksandër Vuçiç ka shtruar një darkë për shefin e qeverisë shqiptare, zv/ kryeministrin e Maqedonisë dhe kryeministrin malazez, Zdravko Krivokapiç.
Përpara darkës liderët kanë bërë një ecje në kryeqytet dhe më pas Vuçiç i ka njohur me kullën e Beogradit.
“Me Edi Ramën dhe Zdravko Krivokpiqin, sonte po vizitoj Kullën e Beogradit. Më pas do të ketë një darkë pune ku do të diskutojmë për projektet e infrastrukturës. Mirë se vini në Beograd të dashur miq” shkruan presidenti serb në Instagram.
