Pamje të rralla të ushtrisë italiane në Mat dhe si u pritën nga banorët
Mati ishte një ndër qytetet e para ku shkelën italianët ato ditë të prillit 1939. Pushtimi i Shqipërisë nga Italia Fashiste daton më 7 prill 1939, ndërsa më 26 prill, forcat italiane mbërritën në Mat, atje ku ishte vendlindja e mbretit Ahmet Zogu, i cili ishte larguar nga Shqipëria, pak ditë më herët.
Është një filmim që mban datën 26 prill 1939, rreth tre javë pasi italianët e kishin hyrë në Shqipëri. Ajo është shkëputur nga kinokronikat e asaj kohe të prodhuara nga Studio Luce.
Filmimi nis me disa plane të maleve të Shqipërisë përgjatë rrugës Qafë Shtamë-Burrel, rrugë që kalon nga Kruja e që në atë kohë lidhte Burrelin me Tiranën. Në pamje shfaqen disa banorë që “mirëpresin” trupat e ushtrisë italiane; Pamjet tregojnë parakalimin e njësisë së motorizuar, komandantie e njësisë, Guxoni, shoqëruesit e tij që marrin në dorëzim ndërtesën e garnizonit. Është ndërtesa dykatëshe e ndërtuar që në kohën e Zogut, në të cilën sot janë të vendosura zyrat e Bashkisë Mat. (Ish-ndërtesa e Komitetit Ekzekutiv, Mat e shtuar me një kat në kohën e komunizmit).
