Veliaj: Plani i Përgjithshëm Vendor synon së pari zgjidhjen e problemeve të qytetarëve dhe më pas ato të bizneseve
Është prezantuar këtë të hënë në Tiranë Plani i Përgjithshëm Vendor. Në fjalën e tij, kryebashkiaku Erion Veliaj ka deklaruar se, plani në fjalë synon së pari zgjidhjen e problemeve të qytetarëve dhe më pas ato të bizneseve.
“Deri më sot kemi patur plane urbanisitike në interes të lejeve të ndërtimit. Por bashkia nuk është një zyrë vetëm për ndërtuesit. Ne kemi një plan që akomodon interesat publike, por nuk përjashton as ndërtuesit”, ka thënë Veliaj.
Ai ka shtuar se plani urbanistik synon ta bëjë qytetin më njerëzor. “Bashkia po kërkon aplikimin e një zone të lirë ekonomike në Tiranë”, ka thënë më tej Veliaj.
