Presidenti serb, Aleksandër Vuçiç ka reaguar pas festimit me shqiponjë nga dy futbollistët shqiptarë të kombëtares zvicerane, Xherdan Shaqiri e Granit Xhaka.
Mediat serbe raportojnë se pas ndeshjes, Vuçiç e ka quajtur ‘provokim’ gjestin e dy shqiptarëve në stadiumin e Kaliningradit.
“Kombi ynë është i bashkuar, i bashkuar edhe në trishtim dhe vështirësi, por ne nuk e fyem askënd, sepse e duam vendin tonë dhe nuk e urrejmë askënd. Ne do të mbështesim lojtarët tanë, ne besojmë në fitore në ndeshjen e ardhshme. Dhe, nëse nuk fitojmë, do të vazhdojmë ta duam ekipin tonë”, është shprehur Vuçiç.
