Avokat Spartak Ngjela ka folur sot lidhur me procesin e zgjedhjes së presidentit të ri. Ai tha se palët politike për herë të parë duhet të mendojnë që të bëjnë një zgjedhje për interesat dhe të mirën e qytetarëve. Sakaq, ai se ndryshimet që u miratuan në sajë të një marrëveshje Rama-Berisha kanë tradhtuar interesat e Shqipërisë, duke e trajtuar postin e presidentit si një person të thjeshtë. Prandaj jemi në këtë situatë sot, kur presidenca është një tmerr.
“Duhet të jemi të qartë se lufta antikorrupsion në Shqipëri nuk do të ndalojë, këtë duhet ta dinë të korruptuarit, në funksion të kësaj kemi dhe rastin e zgjedhjes së presidentit, ku palët duhet të kuptojnë se zgjedhja duhet të mendohet për Shqipërinë dhe jo për veten.
Votat i ka sepse kanë tradhëtuar interesin e Shqipërisë, të dy palët në 2008,duke e lënë presidentin të zgjidhet sikur është një njeri i zakonshëm. Ka 4 kriza në shoqërinë shqiptare, kriza në treg, kriza në institucione, që janë të paformuara në kuptimin juridik, imagjino ende nuk kemi një ligj për presidentin, kjo është një tmerr. Prandaj u ka dalë një president si ky që flet si e ëma e Zeqos në majë të Thanës. Pra kemi dhe një krizë morale dhe në drejtësi, por kemi edhe një krizë tjetër që është kriza sociale, theksoi ai ndër të tjera
