Greqia nuk heq dorë, vijon ankesat ndaj Shqipërisë rreth çështjes së minoritetit grek në Himarë.
Presidenti i Greqisë, Prokopis Pavlopoulos i është ankuar homologut të Francës, Emmanuel Macron i cili po zhvillon një vizitë në vendin fqinj, për Shqipërinë, Maqedoninë dhe Turqinë.
“Shqipëria duhet të gjejë vendin e saj në BE, por më parë duhet të respektojë të drejtat e njeriut, pasi aktualisht po e minon të ardhmen evropiane.
Kur shikojmë shkelje të tilla brutale të të drejtave themelore, si e drejta e pronësisë, si është e mundur që Greqia të favorizojë një perspektivë të tillë”, është shprehur Prokopis Pavlopoulos.
Prokopis Pavlopoulos kritikoi edhe sjelljen e Turqisë, ku kërkoi që të respektojë të drejtat ndërkombëtare ndërsa për Shkupin theksoi çështjen e emrit.
