Pak më shumë se dy muaj pasi u vaksinua me Sputnik V, Presidenti argjentinas Alberto Fernandez ka rezultuar pozitiv me koronavirus.
Në një postim, Presidenti Argjentinas tha që kishte patur ethe dhe dhimbje koke, prandaj ka qenë i detyruar të testohej sërish.
“Unë tashmë jam izoluar, duke respektuar protokollin dhe duke ndjekur udhëzimet e mjekut tim personal”,- tha ai.
Sipas ekipit mjekësor të Fernandez, shëndeti i udhëheqësit 62-vjeçar është i qëndrueshëm. Argjentina u bë vendi i parë i Amerikës Latine që miratoi vaksinën Sputnik V në fund të dhjetorit, duke blerë 25 milionë doza.
Fernandez mori dozën e tij të parë të kësaj vaksine në 21 janar, dhe të dytën në shkurt.
Shqipëria ka siguruar një sasi të vaksinës ruse, dhuratë nga Emiratet e Bashkuara Arabe.
