Ndodh mrekullia në Izmir, nëna dhe katër fëmijët e saj janë arritur të shpëtohen, pasi prej ditës së djeshme qëndronin nën rrënojat e ndërtesës që shembi tërmeti në Turqi.
Nëna dhe fëmijët janë nxjerrë në zonën e Bayrakli të Izmirit, ndërsa ekipet e shpëtimit vijojnë punën.
Kërkimet vazhdojnë për afërsisht 20 persona, të cilët mendohet se janë bllokuar nën rrënojat e ndërtesës në zonën Doğanlar, ku 2 persona vdiqën dhe 10 njerëz u shpëtuan.
Tërmeti i fuqishëm goditi dje Turqinë perëndimore dhe ishullin grek Samos. Deri më tani autoritet kanë njoftuar 28 viktima, 26 në Izmir dhe dy prej tyre në ishullin grek.
Ndërkaq, kanë arritur të nxirren të gjallë nga rrënoja 71 persona, ndërsa mbi 800 kanë mbetur të plagosur.
