Policia ka shoqëruar 6 persona si të dyshuar apo në dijeni për atentatin nga Preng Gjinit, i cili u plagos rëndë gjatë shpërthimit me eksploziv të makinës së tij. Personat e shoqëruar janë nga Tirana, Durrësi dhe Rrësheni.
Oficerët e Policisë Gjyqësore të sektorit të krimit në Policinë e Tiranës kanë marrë tabulatet telefonike në katër antenat e zonës Vasil Shanto për të analizuar thirrjet hyrëse dhe dalëse.
Raportohet se shpërthimi ka qenë i komanduar me telefon. Preng Gjini ka qenë i vetëm në maknë në momentin e shpërthimit. Mësohet se vajzat binjake dhe gruaja e tij ndodhen në Amerikë.
