Policia Rrugore ka arrestuar në flagrancë 14 drejtues mjetesh dhe ka vendosur gjithsej 1 804 masa administrative gjatë 24 orëve të fundit
Gjithashtu, policia në një njoftim për shtyp ka theksuar se janë pezulluar gjithsej 62 leje drejtimi ku 10 për pije alkoolike, 33 për shpejtësi dhe 19 për shkelje semafori e shkelje të tjera të ndryshme, janë vendosur 83 masa për mosvendosje të kaskës mbrojtëse, 524 masa administrative për mosvendosje rripi sigurimi, si dhe 98 masa për përdorim celulari.
Në ditët në vijim, Policia Rrugore njofton se do të vijojë me intensitet punën në dy drejtime në të gjithë vendin për sensibilizimin e gjithë përdoruesëve të rrugës për respektimin e rregullave të Kodit Rrugor si dhe në evidentimin dhe ndëshkimin e shkelësve të Kodit Rrugor.
