Policia e Shtetit konfirmon incidentin midis deputetit të Partisë Socialiste, Taulant Balla dhe koordinatorit të Departamentit të Mjedisit në Partinë Demokratike, Jamarbër Malltezi. Balla ka bërë kallëzim sapo ka mbërritur në aeroportin e Rinasit.
Komisariati i Kufirit dhe Migracionit ka referuar materialet në Prokurorinë e Tiranës për rastin në bazë të dëshmive të deputetit Balla.
Deklarata e policisë:
Komisariati i Kufirit dhe Migracionit Rinas më datë 25.06.2016, u referuan materialet në Prokurorinë e Rrethit Gjyqësor Tiranë, për shtetasin J.M, vjeç 44, banues ne Tiranë, pasi në tranzitin e aeroportit Romë ka goditur për shkak të detyrës, deputetin e Kuvendit të Shqipërisë T.B vjeç 39, banues në Librazhd.
Nenet 90 e 237 të Kodit Penal. Deputeti T.B është paraqitur në PKK Rinas, ku ka bërë kallëzim në lidhje me këtë ngjarje.
