Mediat greke shkruajnë se disa shqiptarë kanë ngritur një fermë kanabisi në Ftelia, Mykonos, duke fshehur lëndën narkotike në disa kova.
Sidoqoftë, ideja e tyre e rrezikshme për të bërë fermë droge në ishullin e Mykonos, nuk zgjati shumë. Kjo sepse menjëherë ka reaguar Prokuroria në Mykonos, në bashkëpunim me oficerët e policisë së Prokurorisë së Drogës në Selanik, duke vënë në pranga kultivuesit e dyshuar, raportojnë mediat helene.
Policia ka gjetur kanabis, kokainë, pistoletë zastava, tre peshore precize, tre telefona celularë, 3.935 euro dhe 40 dollarë. Shqiptarët u vunë nën mbikëqyrje dhe u zbulua se ata kishin marrë me qira një shtëpi në zonën e Ftelia, afër plazhit, në një pronë me shumë hektarë.
Zyrtarët e Prokurorisë së Drogës së Autoritetit Portual Mykonos tashmë po kryejnë një hetim për të gjetur anëtarët e tjerë të bandës të trafikut.
