Pas akuzave të ngritura sot nga Partia Demokratike, Policia e Shtetit ka deklaruar se nuk ka ardhur asnjë urdhër -arresti për vëllain e deputetit socialist, Fatmir Xhafaj.
Reagimi:
Policia e Shtetit konfirmon se nuk ka asnjë urdhër-kërkimi apo urdhër-arresti për shtetasin e përmendur në deklaratën e subjektit politik Partia Demokratike.
Nga kontrolli i plotë dhe i hollësishëm në sistemin e kërkimit të Interpol nuk figuron asnjë material, kërkesë për informacion, verifikim apo urdhër arresti nga asnjë Zyrë homologe për shtetasin Agron Xhafaj.
Policia e Shtetit fton Partinë Demokratike të ndalë abuzimet. Në rast se PD kërkon të vërtetën, është e ftuar t’i drejtohet autoriteteve, te cilat janë të gatshme në çdo kohë për të ofruar informacionin e kërkuar.
