Ish-deputeti i Partisë Demokratike, Bardh Spahia, është shpallur në kërkim nga Policia e Shkodrës, e cila e akuzon për thyerjen e xhamave dhe vendosjen e zjarrit në shkollën “Shejnaze Juka”.
Spahia ka qënë i pranishëm në Shkodër, bashkë me mbështetës të PD-së, ku kanë kërkuar largimin e KZAZ-ve nga ambjentet që janë në pronësi të Bashkisë Shkodër.
“Nuk ka pasur absolutisht qytetar tek shkolla kur ka shkuar FNSH. Sigurisht se distancohemi nga aktet e dhunës. Prezenca jonë është për të qetësuar situatën mes qytetarëve dhe policisë. Ka një situatë tejet të tensionuar dhe absurde të Policisë së shtetit, e cila po zbaton urdhrat në kundërshtim me ligjin”, tha një natë më parë ish-deputeti Bardh Spahia.
