Policia e Krujës ka reaguar mbi akuzat e Partisë Demokratike për kultivimin e bimëve narkotike.
Policia e Krujës deklaroi se në bashkëpunim me Prokurorinë e Krujës, duke filluar nga data 4 shtator 2015, janë asgjësuar 2 parcela me 5.400 bimë narkotike të kultivuara në fshatin Larushk, Krujë.
Deklarata thekson se ndryshe nga sa thotë Partia Demokratike këto parcela nuk janë në mbrojtje të Policisë së Shtetit, por procedimet kanë nisur disa javë më herët dhe synojnë jo vetëm asgjësimin, por edhe dokumentimin dhe vënien para përgjegjësisë ligjore të aktivitetit anti-ligjor.
Policia fton Partinë Demokratike të mos bëjë akuza të pabaza, e mbi të gjitha të interesohet zyrtarisht pranë Policisë dhe Prokurorisë përpara se të bëjë deklarata publike.
