Policia e Elbasanit ka dalë në një konferencë për shtyp, ku bëri me dije se në lagjen “Gurabardh” të qytetit u zbulua një arsenal armësh, që mbahej në banesën e shtetasit Luis Gaxhi. “Blutë” kanë sekuestruar 4 kallashnikovë, dy prej të cilëve me silenciator, 3 pistoleta me silenciator, dy mina me telefomandë, kapsolla, sasi lëndë plasesë, eksploziv dhe 4 telefona.
37 vjeçari Luis Gaxhi, banues në Elbasan, është dënuar më parë dhe në Belgjikë.
Personi i dytë i vënë në pranga është Rigels Spahiu, 37 vjeç , si bashkëpunes.
Policia ka bërë të mundur çmontimin e minave, që sipas tyre do të përdoreshin për të dëmtuar individë për llogari të grupeve kriminale.
