Policia italiane në qytetin e Ankonës ka bërë të mundur arrestimin e dy shqiptarëve, pasi akuzohen për trafik lëndësh narkotike dhe organizatë kriminale.
I.T., 43 vjeç dhe J.M., 37 vjeç, u arrestuan në flagrancë dhe iu sekuestruan 8 kg kokainë me një vlerë përftimi tregu deri në 1 milionë euro, si dhe iu sekuestruan mbi 20 mijë euro ‘cash’. Kokaina u gjet në automjetin tip Seat Altea xlm, drejtuar nga shqiptari I.T
Droga ishte fshehur në vende të modifikuar enkas poshtë sediljeve të pasme e nën bagazh, Kokaina ishte paketuar në 7 pako me 1150 gr secila. Ndërsa në banesën e shqiptarit J.M u gjetën të fshehura 15 mijë euro cash si dhe një aparat për të kapur pajisjet përgjuese.
Dy shqiptarët janë vënë në pranga në burgun e Montacuto e janë në dispozicion të autoriteteve gjyqësore.
