Policia e Shtetit ka arrestuar Admir Çerpjas, autorit të pestë të dyshuar të grabitjes së 3.2 milionë dollarëve më 9 shkurt në Rinas.
Arrestimi i tij u bë në orët e vona të mbrëmjes së djeshme në vijim të operacionit “Patriot” në fshatin Zalldardhë të Dibrës.
Në vijim të kontrolleve të shumta dhe menaxhimit të informacionit të grumbulluar në mënyrë të pandërprerë në lidhje me vendnodhjen e këtij personi, u bë e mundur ndërhyrja në kohë duke prangosur shtetasin e lartpërmendur.
Policia ka shoqëruar shtetasin Admir Çerpja në Drejtorinë Vendore të Policisë Tiranë për veprimë të mëtejshme.
