Policia e Shtetit ka vënë në dispozicion 30 milion lekë për ata që sjellin informacion për autorët e masakrës së djeshme në Elbasan. Deri tani policia nuk ka ende asnjë të dyshuar si autorë të krimit të ngjarjes së mbrëmshme në Elbasan ku mbetën të vrarë tre persona dhe u plagosën tetë të tjerë. Policia e Shtetit ka angazhuar forcat RENEA, FNSH dhe policinë e Elbasanit në aksionin për zbulimin e autorëve të masakrës së djeshme në Elbasan.
Mbrëmjen e 3 shkurtit, persona të veshur me uniferma policie, lëshuan breshëri automatiku në një lokal në periferi të Elbasanit, ku mbetën të vratë tre persona dhe u plagosën tetë të tjerë.
