Ish- kryeministri Sali Berisha ka denoncuar publikisht një rast të paprecedentë në të cilin shfaqen pamjet e trupit të dhunuar të një pedagogu nga Lushnja.
Sipas mesazhit të publikuar, pedagogu është dhunuar ditën e shtunë në ambientet e Komisariatit të këtij qyteti në kohën kur kishte shkuar të bënte një denoncim.
Qytetari kallëzon se është rrahur barbarisht me grushta në kokë dhe pjesë të tjera të trupit si dhe është tërhequr zvarrë në ambientet e Komisariatit. Ai gjithashtu publikon edhe emrin e policit që ka ushtruar dhunën i identifikuar si Bledar Levonja me pozicion polic krimesh.
Statusi i plotë i Berishës:
Trajtim shtazarak qytetarit, pedagogut nga narkopolice brenda ne narkokomisaritin e Lushnjes!
Lexoni mesazhin dhe shikoni fotot e qytetarit dixhital!
I nderuar z.Berisha,
Jam nje qytetar nga Lushnja, pedagog ne Universitet. Diten e shtune Kam shkuar ne Komisariatin e Lushnjes per te bere kallzim pasi me ishte bllokuar rruga ne te cilen hyj ne Banesen time. Pasi kam hyre ne ambjentet e Komisariatit jam rrahur barbarisht, me grushta ne koke, dhe ne pjese te tjera te trupit dhe jam terhequr zvarre per 20 Metra Brenda ambjenteve te komisariatit. Punojsi qe me rrahu u identifikua Bledar Levonja me pozicion polic krimesh. Me pas me ngrene kallzim penal per mos bindje ndaj urdhrit te policise duke me mbajtur si person te shoqeruar per 10 ore. Z. Berisha ju lutem me ndihmoni ta coj drejtesine ne vend, si mund te rrihet barbarisht nje pedagog kur shkon ne komisariat per te kerkuar ndihme nga policia e shteti.
Jam i gatshem per cdo gje nga ana ime.
Ju falenderoj.
